Со вклучени сирени и ротациски светла на амбулантните возила за итна медицинска помош на Здравствениот дом од Охрид и од Општата болница вчера вработените во здравствените установи од градот ѝ оддадоа последна почит на првата жртва на коронавирусот од нивните редови.
Медицинската сестра Дијана Димоска е првата жртва на COVID-19 меѓу вработените во здравствените институции во градот.
Педесетгодишната Димоска беше работно ангажирана во Интерното одделение на болницата во Охрид.
Таа им подлегна на компликациите предизвикани од коронавирусот и пред два дена беше погребана на Градските гробишта во Охрид.
Нови 112 случаи на заразени со коронавирус од 1.372 тестирања и 159 оздравени, е билансот од претходното деноноќие, според статистиката на Министерството за здравство.
Министерството за здравство вчера информираше дека во болнички услови починале осум пациенти од 53 до 82-годишна возраст. Почина 73-годишен пациент од Тетово, 58-годишен од Струмица, еден од Делчево (55г), двајца од Струга (80 и 74 г) и тројца пациенти од Скопје (53,76 и 82 г).
Од новодијагностицираните и вчера најмногу беа во: Скопје-46, потоа во Куманово и Битола се по 7, Штип-1, Струга-6, следат Прилеп-2, Тетово-1, Велес-4, Охрид-4, Гостивар-3, Струмица-11, Радовиш-3, Кочани-4, Пробиштип-1, Берово-1, Валандово-1, Виница-1, Делечево-1, Кратово-1, Свети Николе-4, Кичево-2, Ресен-1.
На Инфективната клиника вкупно се хоспитализирани 69 пациенти. На кислородна поддршка се 35 пациент, нема пациенти на механичка вентилација.
Во болницата во Козле хоспитализирани се 4 деца и 2 мајки позитивни на COVID-19, 1 дете и 1 мајка суспектни на вирусот.
Во ГОБ „8 Септември“ хоспитализирани се 35 пациенти. На респиратор се 6 пациенти.
Во болницата во Битола се хоспитализирани 17, а во болницата во Штип се 42 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 169, позитивни и сомнителни на COVID-19.
Во Скопје најмногу активни случаи има во Аеродром – 102, потоа Центар – 98, Карпош – 88, Кисела Вода – 84, Гази Баба – 79, Чаир – 57, Ѓорче Петров – 52, Илинден – 29, Бутел – 26, Шуто Оризари – 17, Сарај – 12, Арачиново – 7, Студеничани – 6, Петровец – 6, Чучер Сандево – 5, Сопиште – 3, Зелениково – 2, странци – 7, нераспределени-3.
Вкупната бројка на ковид дијагностицирани во нашата земја од почетокот на епидемијата изнесува 17.786, бројката на оздравени пациенти е 14.801, на починати е 737, а во моментов бројот на активни случаи во земјата изнесува 2.248. Според завршените епидемиолошки анализи во моментов дистрибуцијата по градови е следна: Скопје активни 683, Куманово-180, Тетово-159, Струмица-154, Прилеп-126, Гостивар-89, Кочани-152, Битола-62, Делчево-78. Во другите градови таа бројка е под 50.
