Поранешниот руски претседател и актуелен потпретседател на рускиот Совет за безбедност Дмитриј Медведев ги претстави своите предвидувања за следната година.
„Во новогодишната ноќ сите се занимаваат со предвидувања. Многумина излегуваат со футуристички хипотези, како да се натпреваруваат да го одберат најлудото, дури и најапсурдното. Еве го нашиот скромен придонес“, напиша Медведев на својот Twitter профил.
„Распад на ЕУ“
Тој ги направи следните десет предвидувања за 2023 година:
„1. Зголемување на цената на нафтата на 150 долари за барел и на гасот на 5.000 долари за 1.000 кубни метри
2. Враќање на Обединетото Кралство во ЕУ
3. Распад на ЕУ по враќањето на Обединетото Кралство и укинувањето на еврото како валута на поранешната Европска Унија.
4. Окупација на западните региони на поранешна Украина од страна на Полска и Унгарија
5. Создавање на Четвртиот Рајх врз темелите на Германија и сателитите кои ѝ се придружија (Полска, балтичките земји, Чешка, Словачка, Романија, Република Киев и други отпадници)
6. Војна меѓу Франција и Четвртиот Рајх. Поделба на Европа, вклучително и нова поделба на Полска.
„Граѓанска војна во САД“
7. Одвојување на Северна Ирска од Кралството Велика Британија и Северна Ирска и приклучување кон Република Ирска.
8. Американска граѓанска војна, одвојување на Калифорнија и Тексас во независни држави. Создавање на сојузни држави Тексас и Мексико. Последователна победа на Илон Маск на претседателските избори во САД во некои од државите кои по граѓанската војна ќе им припаднат на републиканците.
9. Трансфер на сите поголеми берзи и финансиски активности од САД и Европа во Азија.
10. Колапс на финансискиот систем на Бретон Вудс, ММФ и Светска банка. Отфрлање на еврото и доларот како светски резервни валути. Враќање на златниот стандард. Транзиција кон активно користење на дигитални валути“.
