Американскиот претседател Доналд Трамп и првата дама Меланија завчера ги пречекаа шпанскиот крал Фелипе Шести и кралицата Летиција во Белата куќа.
Кралската двојка пиеше чај со Меланија и Доналд како последен настан од шетдневната турнеја низ САД.
Не беше никакво изненадување што двете дами, познати по нивниот беспрекорен изглед и моден вкус, беа облечени модерно и со стил соодветен на нивните функции. Беше вистинко модно уживање да се видат Меланија и Летиција една до друга.
Меланија блесна во фустан од ресорт колекцијата на Валентино за 2018 во маслинести и земјени тонови со бели цветни апликации, во комбинација со салонки со боја на песок на шпанскиот дизајнер Маноло Бланик.
Шпанската кралица, пак, изгледаше фантастично во фустан на американскиот дизајнер Мајкл Корс. Модните познавачи веднаш го препознаа моделот – истиот фустан го носеше Меланија во јуни, 2017 кога ја пречека првата дама на Панама.
Првата дама тогаш се одлучи за нежна сина боја, додека кралицата Летиција покажа како изгледа моделот во розова нијаса, во комбинација со металик каиш и розови салонки на шпанскиот бренд Магрит.
Нема сомнеж дека и двете дами изгледаат прекрасно во фустанот вреден 1.366 фунти, па мислењата на модната критика останаа поделени.
Меланија или Летиција – која според вас изгледаше подобро во фустанот на Мајкл Корс?