Неколку градови во Европа веќе одлучија да воведат единствено ограничување на брзината од 30 км/ч. Од 2021 година, ваквото ограничување на брзината ќе се применува и во Брисел.
Пред неколку месеци, шпански Билбао стана првиот поголем град во светот (со над 300.000 жители) што воведе единствено ограничување на брзината од 30 км/ч во урбаните подрачја.
Во Париз, во тек се консултации со жителите за воведување на слично решение, а властите посочуваат дека „Зоната 30“ веќе опфаќа околу 60 проценти од територијата на градот.
Повеќето градови имаат општо ограничување на брзината од 50 км/ч. Намалувањето до 30 км/ч ја подобрува безбедноста, особено за ранливите учесници во сообраќајот.
Пешаците имаат дури 90 проценти шанси за преживување доколку ги удри автомобил што вози со брзина од 30 км/ч. Доколку автомобилот вози со брзина од 50 км/ч, шансите се намалуваат на 50%.
Ограничувањата на брзината придонесуваат за безбедност на многу начини. Ако возите со помала брзина, растојанието за запирање е помало, видното поле на возачот е пошироко и имаме повеќе време да реагираме во случај на опасност.
Ефикасноста на воведувањето на ограничувањето од 30 км/ч може да се види во примерот на Хелсинки. Поголемиот дел од центарот на градот во моментов е во зоната на брзина 30, а инфраструктурата влијае и на побавно возење, на пр. легнати полицајци, подигнати пешачки премини и кружни текови.
Резултат - минатата година во главниот град на Финска не загина ниту еден пешак или велосипедист.
Сличен предлог групата На Точак достави минатата година до Град Скопје, во кој, меѓу другото бара новиот ГУП да се постави на сосема поинакви цели и планска програма, да не се планира за зголемен, туку за намален процент на автомобилизација.
Продолжете да читате: Кога во Скопје ќе се вози со 30 км/ч?
