Лионел Меси го имаше своето актерско деби откако се појави во сцена од втората сезона на популарната аргентинска серија „Los protectores“.
Откако на 25 јуни премиерата ја имаше втората сезона од оваа серија, фановите останаа вчудоневидени кога во серијата се појави аргентинската ѕвезда, и тоа глумејќи се самиот себе.
Во епизодата каде се појавува Меси, дејството се одвива во Париз каде тројцата протагонисти Маго Магожа, Рејналдо Моран и Конде Мендисабал му го претставуваат нивниот проект. Едниот од нив на Меси му нуди во неговото слободно време да игра за некој аргентиснки клуб.
Серијата е на Star+ и почна со емитување во март 2022 година. Ја следи приказната на тројца банкнотирани фудбалски агенти, кои се обединуваат со цел да успеат во фудбалскиот свет. Во главните улоги се Адриан Суар (Маго), Колумбиецот Андрес Пара (Рејналдо) и Густаво Бермудес (Конде). Првата сезона имаше 8 епизоди, а за втората најавени се 7.
Режијата е на Маркос Карневале, а сценаријата ги пишува тој заедно со актерот Суар.
