Меси го сруши рекордот за најмногу настапи кај Аргентина

Згора на тоа постигна и два гола и на „Албиселесте“ им донесе прво место во групата на Копа Америка.

Лионел Меси сега е играчот кој го држи рекордот за најмногу настапи во дресот со националните бои на Аргентина. Ноќеска јужноамериканскиот гигант играше против Боливија во рамките на последното коло од групната фаза на 47. издание на Копа Америка и победи со 4:1 со што го завери првото место.

Меси како капитен ги предводеше Аргентинците запишувајќи го својот настап број 148 со што сега е сам на врвот на вечната листа надминувајќи го пензионираниот Хавиер Масчерано кој има 147 настапи. Трет на оваа листа е легендата Хавиер Занети со 143 натпревари.

Да биде рекордот соодветно прославен се погрижи самиот Меси. Уште во 6. минута му асистираше на Папу Гомес за водство, а потоа во 33. и 42. минута на двапати се запиша во листата на стрелци зголемувајќи на 3:0.

Боливијците по точно еден час игра намалија на 3:1 преку Ервин Сааведра, а Лаутаро Мартинес во 65. минута ги постави конечните 4:1. Меси го одигра целиот натпревар кој се одгра на „Пантанал“ стадионот во бразилскиот град Кујаба. Нажалост на рекордот на Меси не присуствуваа гледачи бидејќи Копа Америка се игра без публика поради ситуацијата со коронавирусот во Јужна Америка.

Во другиот натпревар од групата А Уругвај благодарение на погодокот на Единсон Кавани од пенал во 21. минута го совлада Парагвај минимално и заврши на 2. место.

Претходно се комплетираше групата Б каде домаќинот Бразил заврши на првото место со ист скор како Аргентина, односно 3 победи и 1 нерешена.

Четвртфиналните возбудувања ќе се играат од петок до недела, а се среќаваат:

Копа Америка, исто како и Европското првенство, требаше да се одигра лани, но се одложи од добро познатите причини.