Очигледно пандемијата предизвикана од коронавирусот не влијае врз силата на ѕвездата на Барселона, Лео Меси.
Аргентинецот ја надмина повредата од пред една недела и одигра одличен натпревар на гостувањето кај Мајорка (4:0).
Мечот беше прв за Каталонците по рестартот на Ла Лига. Покрај Меси, погодија и Артуро Видал (2), Мартин Брејтвејт (37) и Жорди Алба (79).
Со својот гол против Мајорка, Аргентинецот подобри уште еден рекорд. Tој стана првиот фудбалер во историјата на шпанскиот шампионат кој во 12 последователни сезони постигнал 20 и повеќе голови.
