Од наредната сезона Лионел Меси на својот дрес ќе носи натпис GOAT откако ПСЖ потпиша нов договор за спонзорство.
GOAT е акроним за Greatest of all time, односно Најдобар на сите времиња, што се користи за спортистите кои оставиле траен белег во својот спорт.
Но, во случајот не се работи за тоа. Иако несомнено е дека Меси е GOAT, станува збор за онлајн платформата која продава патики, луксузна облека и разни додатоци и со која Пари Сен-Жермен потпиша неколкугодишен договор за спонзорство.
GOAT брои 30 милиони членови низ целиот свет, а сега ќе може да го прошири пазарот благодарение на рекламата која ќе ја добие со помош на ПСЖ и негобите ѕвезди, меѓу кои и една GOAT во буквална смисла на зборот.
Сите играчи на ПСЖ ќе носат GOAT на ракавот од својот дрес бидејќи станува збор за реклама на фирма, а не на акронимот за Greatest of all time, иако во случјајов тоа одлично се вклопува и станува игра на зборови.
„Презадоволни сме што можеме да му посакаме добредојде на GOAT во семејството на ПСЖ. Благодарение на ова партнерство, GOAT се вклучува во тесниот список на партнери на клубот за кои има место на нашиот дрес. GOAT е идеален партнер за нас. Го зајакнува нашето место како икона на овој спорт и се вклопува со фановите низ светот. Заедно ќе создадеме возбудливи и креативни искуства за да ги задоволиме фановите“, рече маркетинг директорот на клубот од Париз, Марк Армстронг.
„ПСЖ е еден од највлијателните клубови во светот. Возбудени сме за партнерството со нив со цел понатамошно градење на нашата глобална заедница“, вели Еди Лу, коосновач и извршен директот на GOAT.
