Мисиркиното месо е одличен избор кога човек сака да одмори од свинско, телешко и пилешко. Мисиркините батаци со млад компир во пиво се крцкави и сочни, а компирите се топат в уста.
Мисиркини батаци со млад компир во пиво е совршена и класична комбинација во која можете да уживате со гостите. Младите компири само крцкаат кога ќе се испечат, а батаците се сочни и совршено се комбинираат со компирите.
Потребни состојки:
- 2 мисиркини батаци (околу 1 кг)
- 3 лажици соја сос
- 3 лажици масло
- 1 лажица вегета
- сол
- црн бибер
- 700 гр млад компир
- 150 мл пиво
- 50 гр путер
Подготовка:
Прво добро измијте ги и исушете ги мисиркините батаци и направете длабоки засеци од двете страни.
За батаците подгответе маринада така што ќе ги помешате сите состојки од рецептот и убаво ќе измешате. Со оваа маринада обилно премачкајте ги батаците и оставете ги да отстојат 1 час.
Компирите добро измијте ги без да ги лупите и крупно исечкајте ги. Во сад ставете малку масло и вегета, додадете ги компирите, посолете по вкус, па убаво измешајте.
Распоредете ги компирите на дното на одбраниот плех и одозгора ставете ги маринираните мисиркини батаци. Исечете парчиња путерот и додадете ги, па истурете го пивото. Потоа ставете го плехот во рерна загреана на 200°C и печете околу час и половина. Месото од мисирка превртувајте го на секои половина час за да биде сочно и рамномерно сварено од сите страни. Печете додека мисиркиното месо и компирите не добијат златно-кафеава боја.
За сервирање можете да комбинирате со некој зеленчук по желба или печурки на скара.