Повеќето луѓе имаат малку нереална слика за сексот, но тоа што мора да го сфатиме е дека секој од нас има поинаков вкус и сето тоа е индивидуално, смета секс-терапевтката и психолог Гема Криб.
Во нејзината нова книга „Great Sexpectations“ таа прави разлика што е мит, а што е вистина за сексот, а The Sun објави интересни детали од книгата.
На некои луѓе им е потребно да почнат со бакнежи и предигра за воопшто да се создаде интензивна желба и копнеж, но тоа не е нешто необично. Едно истражување откри дека 97 проценти од жените и 60 проценти од мажите велат дека имаат секс и кога не се возбудени, а тоа чувство се појавува дури по некое време.
Либидото на мажите се опишува како поинтензивно, поанимално, а нивната желба за секс се споредува со чувството на глад. Но, желбата за секс не е послаба кај жените, како што многумина веруваат. Во текот на едно истражување, снимките од мозок покажале дека во женскиот мозок се случуваат истите процеси како и кај мажите додека гледаат порно филмови или еротска содржина. Исто така, на намаленото либидо влијаат истите работи кај двата пола, депресија, стрес и незадоволство во врската.
Многу мажи силно се фокусираат на оргазмот на нивната партнерка, а жените неретко чувствуваат притисок дека мора да го постигнат, за да не го повредат партнерот. Докажана е истата работа кај двата пола, 11 проценти од мажите глумат оргазам од две причини. Исти како и кај жените – за да не ја повредат партнерката или сексот да заврши побрзо.
Многу луѓе не знаат дека мажите можат да доживеат оргазам и без ејакулација. „Сувиот оргазам“, како што се нарекува, може да се појави од медицински причини, но и поради честа мастурбација.
Жените може да доживеат неколку видови оргазми, некои се подобри од другите. Најбрз е оној преку стимулација на клиторисот, а за оргазам преку стимулација на Г-точката треба малку повеќе да се потрудите. Но, тој е поинтензивен и најмногу се чувствува во внатрешноста на вагината.
