Скопје, 14 септември 2018 (МИА) - Kошаркарската репрезентација на Македонија в недела ќе го одигра вториот натпревар во рамки на втората фаза од претквалификациите за ЕП 2021.
Во СЦ „Борис Трајковски“ ќе ја пречекаме репрезентацијата на Романија, а натпреварот ќе започне во 18:15 часот.
Влезниците за овој натпревар се веќе пуштени во продажба и ќе се продаваат по симболична цена од 100 денари. Билети ќе можат да се купат онлајн и на билетарата при СЦ „Борис Трајковски“ во недела од 14:00 часот.
