Лука Модриќ (37) конечно ги започна преговорите со Реал за продолжување на неговиот договор кој завршува за само три месеци. Ова го соопшти Флоријан Плетенберг, новинар на германски Sky Sport и многу сигурен извор за трансфери.
Ова е одлична вест бидејќи долгото чекање на Реал да започне преговори со својата легенда која наскоро може да го напушти клубот без обештетување, во комбинација со многу флуктуирачката форма на Модриќ во последните месеци, беше причина за сè почестите шпекулации дека Реал повеќе не го сака Модриќ.
Меѓутоа, оваа вест го покажува спротивното. Споменатиот извор наведува: „Реал и Модриќ започнаа преговори за продолжување на договорот до 2024 година, но во исто време за Модриќ сериозно се заинтересирани клубови од Катар и Саудиска Арабија. Можно е тој да го напушти Реал на крајот на сезоната. Конечната одлука се очекува за две недели до еден месец.“
Со оглед на возраста на Модриќ, Реал во последните години му ги продолжи договорите на една сезона. Модриќ дојде во Реал во 2012 година од Тотенхем со отштета од 35 милиони евра. Оттогаш, тој одигра 473 натпревари за Реал, постигна 37 и намести 76 гола. Со Реал освои три шпански и пет европски титули.
