Португалскиот стратег реши да не реплицира на провокациите кои ги испрати играчот на Манчестер Јунајтед кон него.
Пол Погба направи споредба помеѓу неговиот поранешен тренер Жозе Мурињо и сегашниот Оле Гунар Солскјер со тоа што Португалецот заврши во негативна конотација.
„Она што сега го имам со Оле е различно, тој никогаш не би се свртел против играчите. Никогаш не би го направил тоа. Можеби Оле не би одбрал некој играч, но никогаш не би го тргнал на страна како повеќе да не постои. Таа е разликата помеѓу Мурињо и Оле“, рече францускиот фудбалер говорејќи за Sky Sports.
Нормално, бидејќи е прозван Мурињо, кој обично секогаш има одговор за сѐ, од Sky Sports го контактираа за да реплицира. Но, изненадувачки, Мурињо само кратко кажа дека не му е гајле што зборува Погба.
„Она што можам да го кажам е дека воопшто не ми е гајле што вели Погба. Воопшто. Не ме ни интересира“, одговори тој.
Жозе Мурињо седна на клупата на Манчестер Јунајтед во мај 2016, а Погба дојде подоцна тоа лето. Нивната соработка траеше до декември 2018 кога Мурињо доби отказ.
