На Волстрит индексите речиси непроменети

На Волстрит, берзанските индекси останаа главно непроменети, бидејќи инвеститорите останаа внимателни по различните пораки од шефот на американската централна банка и податоците за силниот раст на американската економија.

Dow Jones зајакна 0,04 отсто, на 35.430 поени, додека S&P 500 се лизна за 0,09 отсто, на 4.550 поени, а индексот Nasdaq 0,16 отсто, на 14.258 поени.

Од почетокот на ноември, Dow Jones порасна за околу 7 отсто, S&P 500 за околу 8,5 отсто, а Nasdaq индексот за 11 отсто. Ова ги надомести сите загуби од летото.

Ова е благодарение на слабеењето на инфлацијата во САД, поради што инвеститорите се убедени дека американската централна банка го завршила циклусот на зголемување на каматните стапки.

Сепак, тоа ќе зависи од натамошните движења во економијата, главно од инфлацијата.

Проценка: БДП на САД порасна повеќе од очекуваното

Втората проценка на американскиот бруто домашен производ (БДП) беше објавена вчера, покажувајќи дека економијата пораснала на годишно ниво од 5,2 отсто во третиот квартал, повеќе од очекуваното.

Ова е добра вест бидејќи покажува дека најголемата светска економија ќе ја избегне рецесијата и покрај наглото зголемување на каматните стапки од почетокот на минатата година.

Сепак, таков силен раст значи и дека инфлацијата би можела да остане на покачени нивоа.

Во последните денови инвеститорите внимателно ги следат пораките на првиот човек на ФЕД, од кои може да се заклучи дека централната банка најверојатно го завршила циклусот на зголемување на каматите.

Сепак, во зависност од движењата на инфлацијата, каматните стапки би можеле да останат на покачени нивоа подолг период од очекуваното.

Пооптимистичките аналитичари проценуваат дека ФЕД би можел да започне со намалување на каматните стапки веќе во март, додека пореалните тоа го очекуваат кон средината на следната година.

Освен шпекулациите за каматните стапки, во наредните денови најмногу ќе се следат вестите за потрошувачката на почетокот на празничната „шопинг“ сезона. Според проценките, потрошувачката би можела да се зголеми за околу 5 отсто на годишно ниво за време на празничната сезона во декември.

И на повеќето европски берзи цените на акциите вчера пораснаа. Франкфуртскиот DAX индекс зајакна за 1,09 отсто, на 16.166 поени, а париски CAC зајакна за 0,24 отсто, на 7.267 поени. Лондонски FTSE ослабе, пак, за 0,43 отсто, на 7.423 поени.

Тагови
реклама

Лесен трик што ќе ги држи глувците надвор од подрумот, поткровјето или кујната

Read more

Како се чисти загорено дно на пегла со таблета парацетамол?

Read more

Неделен хороскоп од 26 февруари до 3 март: Голема трансформација за еден знак

Read more

Починат маж пронајден на улица во Скопје

Read more

Бизнис

Падна вредноста на доларот

Read more

Кириите во Германија скокнаа „до плафон“, донесоа нов голем проблем

Read more

Почина познатиот банкар Џејкоб Ротшилд

Read more

Доларот зајакна, инвеститорите претпазливи

Read more
 

Вести

Перу прогласи вонредна состојба поради денга, десетици илјади заразени

Читај повеќе

Падна вредноста на доларот

Читај повеќе

Променливо облачно време со сончеви периоди

Читај повеќе

Европејците сѐ помалку сакаат да работат, државите се обидуваат да ги мотивираат

Читај повеќе

Уште едно убиство: 56-годишен маж застрелан во близина на патот кон Горно Блаце

Читај повеќе
  • play_arrow

Османи прв собра 10.000 потписи за претседател: Веста ме најде во домашен амбиент

Читај повеќе

Амбасадорката Тигањ: Во Хрватска може и со старите пасоши

Читај повеќе

Земјотрес во Босна и Херцеговина и во Хрватска

Читај повеќе

Унгарија најпосле ѝ дозволи на Шведска да влезе во НАТО

Читај повеќе