По заминувањето од Интер, Раџа Наинголан го посочи прстот кон тренерот Антонио Конте како главен за неговиот неуспех во Милано.
„Во црно-синиот дрес имав одличен тренер, но ме повреди тоа што ми даде 8 минути од натпреварот и потоа ме посочи како виновник за сѐ“, се отвори Наинголан говорејќи за Il Corriere dello Sport.
Наинголан сезонава одигра само 5 натпревари за Интер и тоа секогаш влегуваше при самиот крај вкупно играјќи 45 минути. Вистината е дека воопшто не доби шанса да се покаже.
„Што би можел да направам за 8 минути? Не направив ништо контроверзно и не го правам ни сега. Така беше. Здрав сум, целосно. Немам пропуштено тренинг, ни минута немам закаснето“.
Тој зимава се врати во Каљари, на позајмица, каде настапуваше и минатата сезона. На 11 април ќе има шанса да му покаже на Конте дека грешел кога неговиот Каљари ќе гостува во Милано против Интер.