Тренерот Кристијан Ален за британскиот магазин Metro откри кои се најчестите митови за трчањето поради кои многу луѓе се откажуваат од овој спорт.
1) Типот на телото одлучува дали воопшто можете да трчате
„Многу луѓе мислат дека треба да бидат витки за да можат да му се посветат на трчањето, но тоа не е точно“, вели Ален.
Ова е спорт за секого. Иако на почетокот ви изгледа напорно, наскоро ќе се навикнете и нема да чувствувате голем напор.
2) Трчањето лошо влијае на колената
„Голем мит е дека трчањето е лошо за колената. Всушност, истражувањата покажаа дека редовното трчање помага во зајакнувањето на зглобовите и го стимулира телото да изгради 'рскавица“, објасни тој.
Голем број на тркачи практикуваат и вежби за сила, кои исто така ја подобруваат подвижноста на коленото.
3) Стилот на трчање што го практикувате не може да се промени
„Овој мит исто така не е вистинит бидејќи е можно да се постигне сѐ со промена на рутината. Можеби на почетокот ви е невообичаено бидејќи постојано треба да размислувате за начинот на кој трчате, но со текот на времето ќе ви стане секојдневие“, рече тој.
Секако, постојат фактори кои можат да влијаат на вашиот стил на трчање, а некои од нив се: зголемување или намалување на кондицијата, дебелеење или слабеење, како и бременост.
