ФИБА го одбра најдобриот тим на штотуку завршениот ЕвроБаскет, а во него се најде само една од трите најголеми ѕвезди, како и двајца од победничката репрезентација.
Најдобрата петорка на ЕвроБаскет 2022 ја сочинуваат:
Денис Шредер (Германија)
Лоренцо Браун (Шпанија)
Јанис Адетокунбо (Грција)
Вили Ернангомес (Шпанија)
Руди Гобер (Франција).
За МВП на турнирот е прогласен шпанскиот центар Вили Ернангомес кој во просек постигнуваше 17,2 поени и 6,9 скокови, а имаше и солиден учинок на финалето каде постигна 14 поени и 8 скока во победата на неговата репрезентација над Франција.
Адетокунбо е единствениот играч кој се најде во најдобрата петорка, а доаѓа од репрезентација која не играше полуфинале. Но, Јанис е најдобар поентер на турнирот со просек од 29,3 поени по натпревар.
Лука Дончиќ и Никола Јокиќ, кои со своите Словенија и Србија заглавија во четвртфиналето и осминафиналето, не се најдоа во најдобриот тим. Дончиќ имаше просек од 26 поени по натпревар.