Најпопуларната и најбогата кинеска актерка Жао Веи повеќе не постои во тамошната филмска индустрија, на медиумите и на социјалните мрежи.
Кинеската влада ги отстрани сите филмови, серии и емисии во кои актерката се има појавено, а кинеските платформи потврдија дека примиле барање за отстранување. Но, за причините за истото не добија објаснување ни тие, ни обожавателите.
Актерката исчезна од медиумите, од видеоплатформите и од социјалните мрежи на кои ја следат милиони обожаватели. 45-годишната актерка во Кина не само што беше успешна жена, туку и една од најбогатите во земјата.
Веи и нејзиниот сопруг Хуанг Јулонг беа на листата најбогати млади милијардери во 2016 година. Нивното богатство тогаш беше проценето на милијарда долари.
Нејзините бизнис инвестиции и донесоа и тужби, поради големиот број судски спорови и тужби кинеските инвеститори им забранија на сопружниците пристап до кинеската берза на пет години, поради кршење на законот во 2017 година.
Според кинеската корпоративна база на податоци, актерката имала 14 компании. Од нив две ја поништиле регистрацијата, четири останале без лиценца.
Причината за бришењето на нејзиното име од сите филмови и серии и отстранување од интернет и понатаму не е позната.
