Јајцата се одличен извор на хранливи материи и може да ги јадете на различни начини, но не се сите подеднакво здрави.
„Белките се одличен извор на протеини, а жолчките се преполни со витамини и минерали вклучително и витамин А, Б12, селен и други, вели нутриционистот Линдзи Венглер за Eat This, Not That.
Таа додава дека сега е познато дека јајцата не влијаат на нивото на холестерол. Без разлика на тоа колку се здрави, јајцата може да се подготват на многу нездрави начини. Најлош од сите, според нутриционистите, е кога ги пржите на многу масло на висока температура.
Зошто е тоа најнездравиот начин?
Маслото во кое ги пржите јајцата е преполно со калории и заситени маснотии. Посебно е лошо да ги пржите на путер бидејќи тој ќе додаде голема количина на заситени масти кои се поврзуваат со срцеви заболувања.
Покрај тоа, високата температура на која се пржат јајцата предизвикува оксидирање на маслото што може да предизвика различни воспаленија во телото.
Како да ги подготвите на здрав начин?
Ако сепак сакате да јадете пржени јајца, постои поздрава варијанта. За почеток, наместо масло користете спреј за готвење со кој тавата ќе се намрси пред пржење.
Освен тоа, може да користите и поздрави масла како маслиново, а секогаш може и да ги сварите јајцата со што нема да ви треба дополнително масло.
За јајцата да бидат уште поздрави со нив може да послужите зеленчук или да направите омлет со зеленчук.