Адриана Лима, Карли Клос, Кендал Џенер и Џиџи Хадид се најдоа на листата на Forbes за најплатени модели во 2016 година. Бразилскиот супермодел Жизел Бундшен е повторно најплатениот модел во светот.
36-годишната Бундшен од 2002 година до денес е на врвот на листата најплатени модели, годинава остварила заработка од 30,5 милиони долари. Според Forbes, Жизел најмногу заработила од рекламирање на брендови меѓу кои се Chanel и Carolina Herrera.
На второто место е Адриана Лима со 10,5 милиони долари, а по неа следуваат Кендал Џенер и Карли Клос со 10 милиони долари.
Џиџи Хадид и Рози Хантингтон Вајтли се на петтото, односно шестото место со заработка од 9 милиони долари. Потоа следна по ред е Карла Делевињ со 8,5 милиони долари, Кендис Свенпоел и Лиу Вен со 7 милиони долари и на десеттото место е Миранда Кер со 6 милиони долари.