Група швајцарски научници пронајдоа нов дел од човечкото тело. Се работи за трет слој на мускулот на долната вилица кој досега никогаш не беше забележан.
Може да се забележи кога се стегаат забите и се ставаат прстите на образот, а неопходен е за џвакање храна. Овој слој на мускул е откриен со истражување објавено во научното списание Annals of Anatomy.
Досега не беше идентификуван, односно не се ни разгледувало дали има трет слој на масетерскиот мускул.
Во студијата биле користени 12 глави од трупови, човечки тела, кои биле складирани во формалдехид, а кои потоа биле секцирани. Со КТ скенови прегледани биле 16 човечки тела. Освен тоа, глави на жива луѓе била прегледани со магнетна резонанца.
Откритието е неверојатно и за самите истражувачи. Според еден од нив, Јенс Кристоф, професор на Универзитетот во Базел, тие ова го доживеале како откривање на сосема нов животински вид. Според д-р Силвија Мезеј, која го водела истражувањето, овој дел од мускулот веројатно ја стабилизира долната вилица и ѝ овозможува да се врати накај увото.
„Ова откритие е показател за тоа колку човекот не ја познава анатомијата“, пишува Jerusalem Post.