Многу студии тврдат дека за падот на европските цивилизации виновни се климатските промени, меѓутоа, научниците се имата други одговори.
По усвојувањето на седентарен начин на живот и почетокот на култивираното одгледување на растенија и животни, имало повеќе храна од кога било претходно. Иако луѓето морале вредно да ја обработуваат својата земја и да се грижат за својот добиток, стравот од гладување бил сè помал. Ова им овозможило освен на преживувањето да се посветат и на воспоставување специфични заедници и да го зголемат наталитетот.
На територијата на Европа пред околу 10.000 до 5.000 години се појавиле и исчезнале бројни култури. Нивната популација зависела од многу фактори, но научниците од Центарот за археологија во Лајбниц сега решиле да испитаат што конкретно влијаело на нивниот крај.
Тимот користел податоци за европската динамика на населението од средината на холоценот, обезбедени од Институтот за еволутивна антропологија „Макс Планк“. Споменатиот период започнува околу 7.000 година п.н.е., кога луѓето во Европа веќе формирале цврсти и долготрајни заедници.
Податоците јасно покажуваат дека овие први седентарни популациони групи на почетокот доживеале голем пораст на населението, по што по неколку стотици години следело нивно намалување - односно крах. Моделот главно се повторувал: групите се опоравувале од крах, додека не следел следен.
Истражувачите потоа го споредиле овој циклус со информации за насилни конфликти откриени за време на археолошките ископувања, кои исто така вклучувале информации за раздвојување на групи и миграции. Се покажа дека „дезинтегративните фази“ се случувале во исто време или кратко по насилните настани. Покрај тоа, тие често биле придружени со социјална нееднаквост, што ги навело научниците да заклучат дека овие фактори на крајот довеле до намалување на населението.
„Нашата студија покажува дека периодичниот социјален пад и зголемувањето на насилните конфликти го објаснуваат колапсот на древните европски општества“, вели Петер Турхин, коавтор на студијата и водач на проектот во Complexity Science Hub во Виена.
Досега популарната беше тезата дека климатските промени го фаворизираат колапсот на културите, но кога тимот ја тестирал оваа претпоставка - споредувајќи ги податоците за динамиката на населението со климатските промени - дошле до резултат дека колапсите не се совпаѓаат со климатските промени.
Резултатите од истражувањето се објавени во списанието Nature.
