Грчкиот репрезентативец Јанис Адетокунбо го доби признанието за играч кој најмногу напредувал во една сезона. Адетокунбо е само петтиот играч во историјата кој својот тим го предводеше во пет статистички категории (поени, скокови, асистенции, блокади и украдени топки).
Адетокунбо сезонава настапи и на „Ол Стар“ натпреварот. Тој е првиот играч на Милвоки Бакс, по Мајкл Ред во 2004 година, кој се појавил на натпреварот на сите ѕвезди во НБА. На мечот во Њу Орлеанс тој настапи во стартната постава на Источната конференција и постигна 30 поени.
Грчкиот играч сезонава имаше просечни 22,9 поени, 8,8 скокови, 5,4 асистенции, 1,9 блокади и 1,6 украдени топки по натпревар.
Во изборот за играч кој најмногу напредувал Адетокунбо заврши пред Никола Јокиќ од Денвер и Руди Гобер од Јута.