Дури 13 натпревари беа дел од вчерашната НБА програма и тие донесеа голема возбуда, посебно во дуелите на тимовите од Западната конференција. Кевин Дурент отиде на гостување кај неговиот поранешен тим Оклахома Сити Тандер и се врати дома со победа.
Голден Стејт Вориорс излезе како победник од гостувањето кај Оклахома Сити Тандер со резултат 111:107.
Мотив повеќе имаше Кевин Дурент во овој дуел против неговиот поранешен тим и иако не ја заврши вечерта како најдобар стрелец од двата тима, сепак успеа да направи доволно за да ја донесе победата за Вориорс. Тој постигна 34 поени и фати 10 скока, надополнети со 1 блок и 1 украдена топка. Клеј Томпсон му помогна со 20 поени, иако беше лош од зад линијата за три поени, шутирајќи само 2/8.
Најдобар поединец општо на натпреварот беше Расел Вестбрук, за кого натпреварите против Голден Стејт се секогаш многу важни. Тој ја заврши вечерта со 44 поени, 16 скока и 6 асистенции, а притоа имаше и 2 украдени топки. Пол Џорџ и Кармело Ентони продолжија со неефикасното шутирање од игра и вчера заедно погодија само 9 од 35 шута од поле.
Останати резултати:
Кливленд Кавалирс – Торонто Репторс 112:106
Филаделфија Сиксерс – Бруклин Нетс 121:95
Мајами Хит – Атланта Хокс 101:98
Њујорк Никс – Орландо Меџик 73:97
Чикаго Булс – Шарлот Хорнетс 120:114
Хјустон Рокетс – Вашингтон Визардс 120:104
Милвоки Бакс – Бостон Селтикс 106:102
Далас Маверикс – Портланд Трејл Блејзерс 115:109
Денвер Нагетс – Индијана Пејсерс 107:104
Јута Џез – Лос Анџелес Лејкерс 117:110
Феникс Санс – Сакраменто Кингс 97:94
Лос Анџелес Клиперс – Сан Антонио Спарс 113:110
