Сара Џесика Паркер на Instagram откри дека го посвоила мачето кое нејзиниот лик Кери Бредшо го имаше во втората сезона на серијата „And Just Like That...“.
Шу, како што е неговото име во серијата, го освои срцето на Кери во претпоследната епизода од втората сезона, а Сара исто така се заљуби во него - во реалниот живот.
„Неговото име надвор од камерата е Лотус. Тој и неговите браќа и сестри добија ботанички имиња кога засолништето ги спаси како новороденчиња. Тој беше официјално посвоен од семејството Паркер-Бродерик во април 2023 година. Им се придружи на Реми и Смила кои ги посвоивме во мај 2022. Ако ви изгледа познато, тоа е затоа што и е“, напиша Сара на Instagram.
Засолништето објави дополнителни детали за Лотус на Instagram.
„Некои домашни миленици добиваат навистина возбудливи посвојувачи. Малиот Лотус беше на снимањето на „And Just Like That...“ со Сара Џесика Паркер во Менхетен. Дали го видовте неговото преслатко деби? А вниманието толку му се допадна што реши да остане во шоуто“, напишаа тие.
Во втората сезона од серијата, поради комплицираната врска со Ејдан, Кери не може да поминува време со него во својот стан, па повремено го изнајмува станот на Че. Еден ден, Кери ги наоѓа Че и едно маче во станот, а по кратката огорченост, таа решава да го задржи малиот Шу бидејќи тој влегол во нејзината кутија со скапи чевли.
