Губењето мускулна маса е нормален дел од стареењето. Се проценува дека по 30-тата година секоја деценија губиме 3% до 5% од нашата мускулна маса, а особено загрижува што понекогаш самите го забрзуваме овој процес бидејќи не се движиме доволно.
Помалата мускулна маса, меѓу останатото, значи помала сила, полоши физички перформанси и намалена способност за движење. Исто така доведува до раст на масни наслаги во телото, како и здравствени проблеми поврзани со тоа.
Поради сето тоа е многу важно да бидеме активни во сите периоди од животот, особено кога ќе влеземе во четвртата деценија.
Како да ги препознаете знаците дека не се движите доволно?
1. Во текот на денот ви недостига енергија за вршење секојдневни работи, кои претходно сте ги вршеле без проблем
2. Не сте во состојба да истрчате 2,5 км без пауза
3. Не може да направите еден склек.
Ако имате издржливост, трчањето 2,5 км дури и со најбавно темпо не треба да претставува проблем. Во случај да не можете, време е да ја подобрите физичката подготвеност.