Трагите откриени на ѕидовите на една пештера во Франција се „организирани и намерни“ и веројатно биле направени од неандерталци пред повеќе од 57.000 години, велат научниците.
Тие траги, пронајдени на ѕидовите на пештерата Ла Рош-Котар во северна Франција, се смета дека се најстарите познати резби направени од изумрен човечки роднина.
Истражувачите рекоа дека нивните наоди, објавени во списанието Plos One, даваат дополнителни докази дека неандерталците биле „комплексни и разнолики битија“. Авторите пишуваат дека петнаесет години по продолжувањето на ископувањата на локалитетот Ла Рош-Котар, „откриени се резби кои датираат од пред повеќе од 57.000 години...што ја прави најстарата пештера со гравури во Франција, ако не и во Европа“.
За студијата, Жан-Клод Маркет од Универзитетот на Тур во Франција и неговите колеги ги анализирале ѕидните ознаки. Заклучиле дека биле намерни, врз основа на нивната форма, растојание и распоред.
Откриените ознаки беа кружни, точки, триаголни и брановидни. Организираните и намерни форми можат да бидат симболични креации, велат истражувачите, но додале дека не можат со сигурност да кажат „дали (тие форми) претставуваат симболично размислување“.
„Сепак, нашето разбирање за односот меѓу неандерталците и симболите, па дури и естетските домени, претрпе значителна трансформација во последните две децении, а трагите зачувани во пештерата Ла Рош-Котар даваат нов и многу важен придонес за нашата знаење за однесувањето на неандерталците“.
Тимот, исто така, ги датира пештерските седименти и заклучи дека пештерата Ла Рош-Котар била затворена поради полнење на седимент пред околу 57.000 години, долго пред модерните луѓе да се населат во регионот. Ознаките, заедно со камените алатки пронајдени во пештерата, даваат „силен доказ дека овие гравури се дело на неандерталците“, велат истражувачите.
