Фудбалерот на Пари Сен-Жермен и бразилски репрезентативец сака да ја заврши играчката кариера во францускиот клуб, пренесуваат бројни светски медиуми.
Нејмар има договор со шампионот на Франција до јуни 2027 година, и наводно сака да го одработи до крај и нема намера да прави трансфер во друг клуб.
Бразилскиот фудбалер ќе паузира до крајот на сезоната откако пред неколку дена успешно го оперираше коленото во Доха, Катар, па сега го чека неколкумесечно опоравување.
Медиумите потсетуваат дека деновиве се пишуваше за тоа како Нејмар на крајот од сезоната би можел да го напушти ПСЖ, но таа ситуација се променила и сега Бразилецот сака да ја заврши кариерата во редовите на францускиот шампион.
Од оваа негова одлука дефинитивно најразочаран ќе биде Кристоф Дугари, кој јавно изјави дека е среќен што Нејмар поради повредата нема да игра за „Светците“.
Нејмар (31 год.) во ПСЖ стигна во 2017 година од Барселона во трансфер вреден 222 милиона евра. За клубот од Париз одигра 173 натпревари и постигна 118 голови.
