Ако уживате во вкусот на чоколаден лава колач, со овој едноставен рецепт може пријатно да ги изненадите најмилите.
Потребни состојки:
- 3 јајца
- 30 г брашно
- 250 г млечно чоколадо
Подготовка:
Изматете ги јајцата и брашното, а чоколадото стопете го на пареа. На растопеното чоколадо додадете ги брашното и јајцата, добро промешајте, па со смесата наполнете ги калапите за мафини кои претходно сте ги намачкале со масло.
Калапот со смесата ставете го во претходно загреана рерна на 200 степени и печете 7 до 8 минути . Бидете внимателни со времето бидејќи секоја минута повеќе може да значи дека лава колачот ќе се претвори во мафин.
Колачот служете го топло, веднаш по вадење од рерната.
