Американскиот пејач Нил Дајмонд денеска објави дека ја откажува актуелната турнеја и се повлекува од одење на турнеи бидејќи дознал дека боледува од Паркинсонова болест.
Седумдесетгодишниот пејач ги откажа мартовските концерти во Австралија и Нов Зеланд поради советите од докторите. Турнејата беше организирана по повод 50-годишнината од неговата кариера.
Во изјавата за медиумите тој кажа дека оваа одлука ја донел со големо разочарување.
„Навистина ми е чест што успеав да се претставам на публиката преку концертите во изминатите 50 години. Примете го моето лично извинување сите вие кои купивте карти и сакавте да дојдете на концертите. Фала на целата моја лојална и посветена публика низ светот“, рече Нил Дајмонд во официјалната изјава за медиумите.
Дајмонд се надева дека ќе продолжи да пишува и да снима во наредниот период. Тој во богатата кариера има добиено Греми награда, продаде 130 милиони албуми ширум светот и ќе остане запамтен како еден од најпродаваните артисти на сите времиња.
„Ова беше прекрасно ‘возење’. Ви благодарам на сите“, додаде тој.
