Наука

Норвешки филозоф смета дека човекот е вториот најпаметен вид на Земјата

18. март 2019 - 16:05 | К.З.

За време на едно предавање во Атина, норвешкиот „бизнис филозоф“ Андерс Индсет го истакна неговото размислување дека човекот всушност не е најпаметниот вид на Земјата.

На конференцијата одржана во Грција, Индсет рече дека „технологијата претставува одговор на сѐ, но што е прашањето кое таа го одговора?“.

Андерс Индсет е познат филозоф и автор од Норвешка кој силно застанува на страната на технологијата. Тој вели дека не ја смета технологијата за добра, ниту за лоша, туку дека таа е „двете работи истовремено“. Според Индсет, прашањето не треба да биде „како може да ни помогне технологијата“, бидејќи тоа само би ја ограничило нејзината намена.

Тој вели дека алгоритмите стануваат подобри и попаметни, а со тоа поспособни од човекот за да учат нови работи. Во таквиот свет доминиран од технологија, човекот не е неопходен, но е единствениот вид кој е свесен и може да креира теориски идеи. Поради тоа, Индсет смета дека човечкиот вид не е најпаметен на светот ама сепак има улога во развивањето на животот на Земјата каков што го знаеме.

„Филозофијата отсекогаш била околу нас, само мораме да ја направиме практична“, вели Индсет и додава дека нашите проблеми можат да се решат со древна филозофија, преку комбинирање на елементите од минатото кои се кријат пред нашите очи.

За Индсет, чувствителноста е родното место на креативноста и тоа е главното начело према кое треба да се држат политичките лидери и претприемачите. Таа во иднина би можела да му помогне на човечкиот род да ги усоврши алгоритмите и преку нивното знаење да го подобри својот живот.

Коментирај