Свет

Нотр Дам: Дали се собрани премногу пари за обнова на катедралата?

25. април 2019 - 14:36 | А.С.

Откако познатата катедрала Нотр Дам во Париз беше оштетена во голем пожар, донации стигнуваат од целиот свет за да се обнови монументалната градба и да ѝ се врати некогашниот сјај.

Обични луѓе и милијардери донираа најмалку 750 милиони евра во првите 10 дена откако во пожарот на 15 април беше оштетен покривот на катедралата.

Според првичните проценки на француски економисти од областа на градежништвото, донациите веќе ја надминуваат потребната сума за реновирање.

Среде бранот добра волја и великодушност, се појавија и луѓе кои излегоа со критики дека парите повеќе ќе користат ако се насочат во друга добротворна цел.

Памела Андерсон разочарана: Наместо за децата, собираа пари за Нотр Дам

Меѓутоа, оние кои собираат пари за обновата ги повикуваат луѓето да продолжат да донираат, со објаснување дека уште не може да се одреди точната цена на зафатите за обнова на оштетените делови на готската катедрала што веќе беше во процес на реновирање кога изби пожарот.

„Не може да им кажеме на луѓето да престанат да донираат бидејќи не знаеме колку ќе чини обновата“, рече Лоренс Леви од групата за француско наследство Fondation du Patrimoine.

Колку навистина ќе чини обновата на Нотр Дам?

Untec, националниот синдикат на француски економисти од областа на градежништвото, проценува дека обновата и реставрацијата на Нотр Дам ќе чини најмногу 600 милиони евра, без ДДВ.

„Жолтите елеци“: Сите ние сме катедрали!

Тукае пресметан трошокот за обезбедување на градбата со надворешно скеле, замена на покривот и рамката, ангажирање на мајстори каменорезачи и други експерти за деликатната реставрација.

Со оглед на тоа дека катедралата е во сопственост на државата, не може да биде исплатена отштета бидејќи државата е истовремено обесштетувачот. Дел од реликвиите и уметничките дела во катедралата беа осигурани, како и работниците кои работеа на реновирањето.

Коментирај