Нов Зеланд стана светски лидер во напорите за сузбивање на ширењето на коронавирусот, со само еден активен случај на COVID-19.
Една од мерките што ги воведе земјата беше целосно затворање на границите на 25 март кога уште немаше ниту еден смртен случај во земјата, а бројот на активни случаи беше околу 100.
Оттогаш во Нов Зелан беа регистрирани вкупно 1.504 заразени и 22 смртни случаи. Седум дена по ред нема нови случаи на заразени.
Земјата полека ги олабавува мерките и дозволи собири до 100 луѓе, а се фокусира на потенцијални отворање на границите во „патнички балон“ со Австралија.
Нов Зеланд е на чекор до 0 активни случаи на COVID-19, но не избрзува со прогласување на крај на епидемијата.
Професорот Шон Хенди од Универзитетот на Окланд објаснува дека патот на Нов Зеланд до елиминирање на COVID-19 е „голема работа“ и предупредува дека уште се прават скрининзи и можно е да има скриени случаи.
