Новата апликација за запознавање создаде револуционерен начин за поврзување на потенцијални компатибилни личности преку мемиња што им се допаѓаат.
Ако барате љубов, но ви преку глава од конвенционалните апликации за запознавање, како Tinder, и сакате нешто малку поинаку, проверете го Schmooze.
Апликацијата за состаноци ги поканува корисниците со прст да вртат мемиња, а не луѓе, подредувајќи ги според смислата за хумор.
Концептот е едноставен, повлечете надесно ако се насмевнете многу или поминете налево ако едвај се насмевнувате и можеби така ќе го запознаете вашиот идеален партнер.
Schmooze има колекција од 5.000 мемиња рачно избрани од тим специјализиран за мемиња.
Креаторот на апликацијата е 27-годишната Видја Мадаван, која прв пат ја добила идејата за Schmooze додека работела како аналитичар во Индија и дебатирала дали да оди на постдипломски студии во Калифорнија.
За да донесе одлука, Мадаван им испратила е-пошта на 10 луѓе што ги нашла на LinkedIn, кои посетувале бизнис школа, и побарала совет од нив. Сепак, само еден одговорил, а двајцата почнале да комуницираат низ шеги.
Мадаван сега е во брак со тој човек, што, според неа, е последица на нивната заедничка смисла за хумор и на тој начин дошла на идеја да создаде апликација за запознавање од ваков тип.
Зборувајќи за The Daily Free Press, извршниот директор на апликацијата рече дека мемињата нудат многу повеќе од само слика - увид во тоа кои сме и што ни е смешно.
Според едно истражување од 2011 година објавено во списанието De Gruyter Mouton, истражувачите кои набљудувале повеќе од 3.000 брачни парови од пет земји откриле дека паровите се посреќни ако нивните партнери ги перцепираат како смешни.