Колумбиската ѕвезда Шакира објави нова песна наречена „El Jefe“ (шефот), а иако зборува за работничката класа и нивната експлоатација – најголемо внимание привлече стихот посветен на нејзиниот поранешен свекор.
Шакира ја сними песната заедно со мексиканската група „Fuerza Regida“, а за шест часа од нејзината премиера собра речиси 3 милиони прегледи.
„Сонувате да ја напуштите населбата, имате сѐ што ви треба за да станете милионер, скап вкус, менталитет, само ви недостига плата“, пее Шакира заедно со ритамот.
Додека многумина мислеа дека самиот наслов на песната го исмева прекарот кој ѝ го дадоа пријателите на нејзиниот поранешен партнер Жерард Пике, таа во песната посебно се осврна на нејзиниот поранешен свекор.
„Велат дека нема зло што трае повеќе од сто години, но мојот поранешен свекор е сè уште тука и не стапнал в гроб“, вели таа во песната.
Во овој дел од видеото, танчерите се обидуваат да и ја покријат устата на Шакира, како да сакаат таа да не го спомнува тоа.
Имајќи предвид дека таткото на Жерард Пике, Жоан, е бизнисмен и управува со компаниите на неговиот син - некои го поврзаа контекстот на песната со ова и се прашуваа дали е можно поранешниот свекор на Шакира да ги искористува своите работници како што се наведува во стиховите.
