Сега е и официјално, „The Addams Family“ се враќа на телевизиските екрани, под режисерската палка на Тим Бартон.
Првите информации за оваа серија се појавија во октомври минатата година, но тогаш сè уште не беше познато на која стриминг платформа ќе биде емитуван овој проект.
Сега е познато дека Netflix нарача 8 епизоди од серијата која ќе се вика „Wednesday“.
Серијата се опишува како мистерија за животот на Среда Адамс која се наоѓа на Nevermore Academy. Таа ќе се обиде да ги спречи мистериозните убиства во нејзиниот град. Исто така ќе се обиде да ја реши мистеријата во која ги вовлекла нејзините родители уште пред 25 години.
Естетиката и афинитетот за мрачни теми на режисерот Бартон во целост одговараат за новата серија за семејството Адамс.