Кога Џорџ Лукас одел од врата на врата во холивудските студија за спонзори за неговата идеја за вселенската сага „Star Wars“, тој не ни можел да замисли дека ќе отпочне франшиза, т.е. цело множество приказни коешто во 2020 година се проценуваше на вкупно 70 милијарди долари.
Покрај деветте филмови од основната приказна, снимен е и цртан филм, па играните филмови „Rogue One“ и „Solo“, а во подготовка се уште два долгометражни филма – „Rogue Squadron“ и уште еден засега неименуван проект…
По големиот успех на „The Mandalorian“ и „The Book of Boba Fett“ и „Obi-Wan Kenobi“, наскоро доаѓа „Andor“, а следната година и „Ahsoka“, „Lando“ и „Skeleton Crew“ - сите како дел од светот наречен „Star Wars“.
Во новата серија „Andor“ што ќе биде достапна од 21 септември на стрим-услугата Disney+, Диего Луна се враќа во улогата на бунтовничкиот шпион Касијан Андор, во настани што се случуваат пет години пред „Rogue One“. Потврдено е и дека Женевјев О’Рајли повторно ќе ја глуми Мон Мотма, а ќе се појават и Стелан Скарсгорд, Форест Витакер, Адриа Арјона, Фиона Шо и многу други глумци.
„Ahsoka“ е лик што Розарио Досон го претстави во „The Mandalorian“, па си доби и своја серија. Дејв Филони и Џон Фавро се извршни продуценти.
Во серијата глумат и Мери Елизабет Винстед, Ивана Сакно, Еман Есфанди и Наташа Лиу Бордизо… А, нивните патишта се вкрстуваат и со „Obi-Wan Kenobi“, па и тука ќе го видиме Хајден Кристенсен како Анакин Скајвокер.
Снимањето на третата сезона од „The Mandalorian“ почна во октомври лани, а Педро Паскал се врати како омилениот херој. Прикажувањето е најавено за февруари 2023 година.
Под водство на режисерот Џон Вотс, Џуд Ло ќе глуми во „Skeleton Crew“ - приказна за падот на Империјата од гледиштето на четири деца.
Авторката на популарната серија „Russian Doll“ - Лесли Хедланд е задолжена за „The Acolyte“, трилер мистерија за мрачните тајни на Галаксијата и последните денови од ерата на Високата Република. Потврдено е дека ќе глуми Аманта Стенберг, како и Џоди Тарнер Смит и Ли Џан-џе.
ТВ серијата „Rangers of the New Republic“, пак, следи група пилоти во истиот кои исто така ќе ги поврзе со севкупната приказна на „Star Wars“.
Додека Доналд Гловер го играше Ландо Калисијан како помлад во „Solo: A Star Wars Story“, сè уште не е познато дали тој ќе ја повтори својата улога во претстојната серија. Во филмовите, улогата на Ландо му беше доверена на Били Ди Вилијамс. Познато е и дека проектот му бил доверен на Џастин Симиен.
