Јадење што е популарно во целиот свет, одлично е за кога се брзате, потребни се само неколку состојки.
Оброк салатите се идеални кога сакате нешто брзо и вкусно, а едноставно. Можат да се подготват одс најразлични намирници, но оние со пилешко се највкусни. Една од најпознатите такви салати е секако Цезар, а ние предлагаме да го пробате следниов рецепт. Додадете му пченка, печурки и варени јајца и ќе добиете совршен предлог за ручек.
Потребни состојки:
- 300 гр пилешко филе
- 300 гр печурки
- 1 конзерва пченка
- 4 јајца
- 1 краставица
- 1 лажица мајонез
- 1 нишка магдонос
- младо кромитче
- сол
- бибер
Подготовка:
Исечкајте ги печурките, па пропржете ги во тавче. Потоа извадете ги и пропржете го месото кое претходно сте го посолиле и побибериле. Сварете ги јајцата и кога ќе се изладат излупете ги и исечете ги на ситни коцки. Исечкајте го месото, како и краставицата. Овие состојки измешајте ги во сад, па додадете ги сечканиот магдонос и процедената пченка, како и сечканиот млад кромид. На крајот прелијте со мајонез, измешајте и можете да послужите.
