Научници во лабораториски услови успеале да создадат супер тврд метал, кој претставува спој од титаниум и злато, за што студијата ја објави списанието Science Advances.
Оваа легура е најтврдата позната метална супстанција компатибилна со човековото ткиво, велат американските физичари.
Овој материјал е четири пати потврд од чистиот титаниум и е погоден за изработка на долготрајните медицински имплантати, истакнуваат научниците. Сегашните вештачки колкови корена, поради потрошноста на материјалите мора да се менуваат по десет години.
Професорката Емилија Моросан од универзитетот Рајс во Хјустон вели дека до откритието дошле работејќи на магнети од титаниум и злато.
Новиот материјал морале да го претворат во прашина за да ја проверат неговата чистота, но beta-Ti3Au, како што тој стручно се нарекува, не можел да се истолчи,
„Материјалот покажуваше поголема цврстина од сите познати легури на титаниум и злато, но и од сите други синтетизирани легури“, вели Моросан,
Додава дека цврстината во комбинација со биокомпатибилнсота ја прави оваа легура „спој на новата генерација која може значително да го продолжи траењето на денталните имплантати и вештачките зглобови“.
Новиот метал би можел да се применува и во индустријата за дупчење во потрагата по нафта и гас, производство на спортски реквизити и во многу други области, додава професорката.
