Обвинителството во Париз денеска отвори истрага за шпионирање на француски новинари со помош на специјализиран хакерски софтвер Pegasus на сметка на Мароко, што земјата го демантира.
Истрагата е отворена поради повеќе кривични дела, вклучително и повреда на приватноста, следење на преписка и неовластен пристап до компјутерскиот систем, како и злосторничко здружување.
Жалбата е поднесена од медиумската група Mediapart затоа што двајца нејзини новинари биле цел на шпионажа. Слична жалба поднесе и весникот Le Canard Enchaine.
Истрагата опфаќа и други прекршувања, како што се внесување и откривање на податоци.
Неколку медиуми, вклучувајќи ги Le Monde, The Guardian, The Washington Post, во неделата открија дека мароканската тајна служба ги шпионирала основачот на Mediapart Евди Пленел и новинарката Лене Брејду.
Le Canard Enchaine објави дека мета на шпионажа бил поранешниот новинар на овој сатиричен весник, Доминик Симоно.
Шпионскиот софтвер Pegasus откако ќе влезе во смартфонот, на нарачателот му овозможува да презема пораки, фотографии и контакти, како и да слуша телефонски разговори.