Рускиот олигарх Роман Абрамович бара милиони долари на заем од неговите богати пријатели за да може да „функционира“ додека имотот во САД и во Велика Британија му е замрзнат поради воведените санкции, пишува Page Six.
Извор за Page Six тврди дека Абрамович бара пари на заем од неговите угледни и моќни пријатели за да може, меѓу останатото, да дава плата на луѓето кои работат и ги одржуваат неговите суперјахти, за што му се потребни 750.000 долари неделно.
Абрамович има многу блиски пријатели во Холивуд, Вол Стрит и во светот на технологијата. Наводно, неговите соработници се многу внимателни во оглед на позајмување пари, без разлика што тој учествува во мировните преговори меѓу Русија и Украина.
„Роман бара заем од милион долари од најблиските моќни пријатели. Вели дека никогаш не пропуштил да исплати плати за луѓето кои работат за него на суперјахтите, што е 750.000 долари неделно, а со замрзнатиот имот не може да им даде плата“, вели изворот за Page Six.
Понатаму, се споменува дека побарал пари на заем од режисерот Брет Ратнер, од семејството Ротшилд и многу други. Но, иако се добри пријатели, не се согласиле да му дадат пари бидејќи го немаат во готовина, поточно, не им е јасно какви ќе бидат последиците ако му позајмат пари“, додава изворот.
Романович вреди 14,3 милијарди долари, но се наоѓа под санкции на Велика Британија и ЕУ поради руската инвазија на Украина.