Папата Франциск ги предупреди свештениците и калуѓерките на опасноста од гледање порнографија на интернет, објаснувајќи дека тоа го „слабее срцето на свештениците’.
Папата одговараше на прашања во Ватикан на тема како најдобро треба да се користат дигиталните и социјалните медиуми.
Според него, порнографијата е „порок за многумина, дури и за свештениците и калуѓерките“.
„Ѓаволот влегува таму“, изјави тој.
Што се однесува за социјалните мрежи, изјави дека истите треба да ги користиме, но не треба да губиме премногу време на тоа.
„Чистото срце, она кое Исус го прима секој ден, не може да ја прими оваа порнографска информација“, изјави тој.
Присутните ги советуваше дека е „најдобро тоа да го избришат од телефоните“ за да не бидат ставени во искушение.
Црковното учење гледа на порнографијата како престап против чистотата на душата.
