Тренерот на Манчестер сити, Пеп Гвардиола, ја коментираше одлуката на напаѓачот Гарет Бејл да се повлече од професионалниот фудбал.
– Каков играч! Фантастична кариера, Гарет освои многу. Мислам дека одигра повеќе од 100 натпревари за Велс. Сега тој може да стане одличен играч на голф. Кога го поканив да играме, тој беше зафатен. Можеби сега Бејл ќе има време, ќе го поканам повторно, изјави Пеп, за Manchester Evening News.
Велшанецот на 9 јануари објави дека се пензионира на 33 години.
Последниот клуб на Бејл беше американскиот Лос Анџелес, а играше и за тимови како Саутемптон, Тотенхем и Реал Мадрид.