Фабрицио Романо и Дејвид Орнстин пишуваат дека трансферот на Жуау Канселу (28) од Манчестер Сити во Баерн е готова работа.
Германците ќе го позајмат португалскиот дефанзивец, еден од најважните играчи на Пеп Гвардиола. Овој трансфер е изненадувачки бидејќи Канселу сакаше нова можност откако беше на втор план во последните недели.
Канселу и Гвардиола во последно време не се во најдобри односи, што Баерн веднаш го искористи. Не е познато дали Канселу ќе остане во Баерн по завршувањето на актуелната сезона или пак ќе се врати во Сити. На Баерн итно му требаше нов десен бек поради повредите на Мазрауи и лошата форма на Павар.
Да потсетиме, пред пет дена излезе информација дека пет играчи на Сити биле незадоволни од третманот на Пеп. Бернардо Силва, Жуау Канселу, Илкај Гундоган, Ајмерик Лапорте и Кајл Вокер наводно не се задоволни во клубот, а заминувањето на Кансело сугерира дека има одредена вистина во целата приказна.
Канселу вреди 70 милиони евра
Канселу наскоро ќе ги помине лекарските прегледи и доколку се биде според планот, тој ќе стане нов играч на Баерн.
Според Transfermarkt, Канселу вреди 70 милиони евра и важи за еден од најдобрите дефанзивци во светот.
Во својата кариера настапуваше за Бенфика, Валенсија, Интер и Јувентус, а за португалската репрезентација има 41 настап и седум голови.
