Пеп Гвардиола недвосмислено се изјасни кој е единствениот играч на Манчестер Сити од кој никогаш не би се откажал.
Неговото име е Фил Фоден. Младиот репрезентативец е голема надеж на англискиот фудбал. Во Сити дојде кога имаше девет години, а за првиот тим дебитираше акко 17-годишник во 2017 година.
„Не му понудивме договор онака случајно. Тој е единствениот фудбалер кој никогаш не би го продал, не постои понуда што ќе го однесе подалеку од нас. Не би го продале ни за 500 милиони евра“, рече легендарниот Пеп.
„Фил не оди никаде. Фил е Сити Нема ни да носиме играчи за неговата позиција, тој е нашиот нов волшебник по заминувањето на Давид Силва.“
Во Англија често го критикуваат Гвардиола дека 19-годишниот напаѓач не игра колку што би требало. Оваа сезона во Премиер лигата имаше сѐ на сѐ 10 минути игра.
Фоден успеа да забие гол во победата од 2:0 против Динамо во ЛШ.
