Љубовните односи често не се едноставни, па ни романтични какви што треба да бидат. Во потрага по вистинскиот, многупати се случува да наидете на погрешен маж. Меѓу нив и оние оженетите.
Постојат многу причини зошто врската со женет маж не е најпаметна одлука во животот. Со таквата врска може да повредите многу луѓе кои не го заслужуваат тоа, па и вие да завршите со скршено срце.
Од сите причини кои може да ги наведеме, оваа треба да биде примарна и да ве држи подалеку од женети мажи. Какви оправдувања и да постојат, никој не може да го побие фактот дека тоа едноставно е погрешно.
Една од најзначајните причини поради кои не треба да влегувате во врска со оженет човек е фактот дека му дозволувате да ве лаже. Што и да ви вети или каже, тоа ќе биде лага. Колку и да биде уверлив дека ќе си ја остави жената поради вас или некоја друга, тој лаже. Исто така лаже дека нема секс со жена му. Некои оженети мажи уживаат истовремено да имаат две жени, при што секоја верува дека е сакана.
Кога љубовница ќе стане жена на некој, нејзиното место останува празно. Мажот кој еднаш изневерил, кој е во состојба да си ја изневери жената со која е во брак, не е некој во кој може да имате доверба. Дури и да успеете да направите тој да си ја остави жената поради вас и да се омажите за него, не постои гаранција дека тој нема да го повтори тоа однесување и вас да ве изневери.
Доколку мажот со кој сакате да имате врска е оженет и има деца, тоа е најлошата комбинација во која може да се впуштите во животот. Дали навистина сакате да бидете со некој кој може да си ги остави децата поради личните себични потреби? Размислете добро пред да направите таков чекор, последиците се тешки.
Кога ќе се впуштите во врска со оженет човек, тоа значи дека свесно сте се согласиле на тоа да бидете втора во животот. Неговата сопруга и децата секогаш ќе бидат на првото место, а вие ќе му бидете резерва. Под претпоставка дека станува збор за тајна афера, односно жена му се уште не знае за вас, вие нема да може лесно да го контактирате, ниту тој ќе биде покрај вас во најважните моменти во животот.
Дали навистина сакате ваков маж покрај себе?