Каталонскиот - сега пензиониран - фудбалер Жерард Пике проговори за инцидентот од вторникот кога на својот последен натпревар не дочека ниту да влезе во игра бидејќи доби црвен картон на полувремето.
Откако судијата Хесус Хил Мансано отсвири крај на првото полувреме на натпреварот во Памплона каде Барса имаше негатива од 1:0 против Осасуна, но и играч помалку откако Роберт Левандовски собра два жолти, Пике, кој беше резерва, влета во теренот и влезе во вербален конфликт со судијата. Шпанските медиуми објавија низа сочни зборови кои Каталонецот ги кажал, но сега тој дематира такво нешто велејќи тоа пцовките излегле од устата на негов соиграч.
„Не пое*ав ничија мајка. Судијата нѐ оштети и поради тоа му пријдов и му укажав на тоа, а поради тоа и ме избрка. Се чудам на тоа, во Премиер лигата судиите дозволуваат да им се обратиш, а тука те исклучуваат за најмала ситница. Кога влегов во соблекувалната еден од играчите рече: 'Море е*и му мајката'. Судијата тоа го слушна од својата соблекувална и тие зборови ги стави во мојата уста“, изјави Пике говорејќи со баскиската интенет ѕвезда Ибаи Љанос, на неговиот канал на Twitch.
Пике не наведе за кој соиграч станува збор.