Дефанзивецот на Барселона, Џерард Пике по натпреварот од 25. коло во Ла Лига со Севиља (2:0), рече дека е горд на тимот.
„Последен пат кога морав да зборувам, имаше болни моменти. Јас сум многу горд на тимот. Се опоравивме од силните удари и тимот се издигна. Покажа дека сè уште е жив. Уверен сум дека ќе се бориме силно в среда на реванш полуфиналето во Копа дел Реј со овој противник (Барса го загуби првиот натпревар со 0:2). Ако успееме на овој натпревар, тогаш сезоната ќе се сврти во наша полза“, рече Пике.
По 25 кола Барселона има 53 бода, два помалку зад лидерот Атлетико кој има и два натпревара помалку.