Продолжува кризата во редовите на Милвоки Бакс кои и покрај одличното издание на Гркот нанижаа нов пораз, овој пат со 132:116 од Јута Џез.
Јанис Адетокунбо запиша трипл-дабл со 25 поени, 10 скокови и 11 асистенции и имаше добра поддршка само од Крис Мидлтон кој натпреварот го заврши со скор од 23 поени, 3 скока и 8 асистенции.
Сепак, пиров беше нивниот учинок бидејќи Јута имаше премногу расположени играчи на паркетот во „Фисерв Форум“ во Милвоки и ја однесе победата која ја најави уште во првата четвртина добивајќи ја со +18 (41:23).
Кај Јута се истакнаа Финецот Лаури Марканен со дабл-дабл од 21 поен и 14 скокови, Филипинецот Џордан Кларксон со 21 поен, а Џон Колинс, Кејонти Џорџ и Колин Секстон постигнаа по 19.
За Милвоки ова беше четврти пораз во последните пет натпревари откако загубија од Индијана Пејсерс двапати и Хјустон Рокитс, а го победија само слабиот Сакраменто Кингс. Бакс и натаму се втори на Истокот, но сега со скор 25-12 уште повеќе заостануваат зад лидерот Бостон Селтикс кој има 28-8.
Јута, пак, е во одлична форма бидејќи во последните 10 натпревари има 8 победи и само 2 пораза, од кои последниот од силниот Бостон. Иако се 11-ти на Западот, со добрата серија се добрижија до местата кои водат во плеј-ин.
Резултати:
Шарлот Хорнетс - Чикаго Булс 112:119 (прод.)
Индијана Пејсерс - Бостон Селтикс 133:131
Вашингтон Визардс - Оклахома Сити Тандер 128:136
Мајами Хит - Хјустон Рокитс 120:113
Милвоки Бакс - Јута Џез 116:132
Лос Анџелес Клиперс - Феникс Санс 138:111
Табела:
