Еден од најдобрите играчи на Наполи во јуни си заминува од клубот и тоа преку Барата, тврдат италијанските медиуми.
Договорот на Лоренцо Инсиње со клубот од Неапол истекува во јуни 2022, а нема никакви најави дека на повидок е продолжување на соработката бидејќи двете страни има крајно различни барања.
SportMediaset тврди дека Инсиње веќе ги договорил условите со канадскиот клуб кој се натпреварува во МЛС лигата, а деталите може да бидат обелоденети уште сега во јануари. Наводно, 30-годишниот офанзивец ќе заработи 9,5 милиони евра за 5-годишен договор.
Причината зошто нема намера да остане во Наполи е тоа што управата му понуди нов договор за 3,5 милиони евра по сезона, што е помалку од оние 5 милиони кои ги заработува сега.
Инсиње лесно би можел да најде друг клуб во Италија каде заинтересиран за неговите услуги е Интер, додека го сака и Тотенхем на Антонио Конте. Според неговиот агент Винченцо Пизакане, Инсиње сака да замине што е можно подалеку за да не се доведе во ситуација еден ден да треба да игра против својот Наполи.
Инсиње е дете на Наполи во чија академија се приклучи кога имаше 15 години. Освен позајмиците во Кавезе, Фоџа и Пескара, никогаш не настапувал за друг клуб. Оттаму, локалпатриотизмот не му дозволува да заигра за некој ривал. Роден е во Фратамаџоре, предградие на Неапол.
Досега има одиграно вкупно 414 натпревари за „Партенопеите“ со 114 постигнати голови, но Инсиње никогаш не успеа да освои позначаен трофеј. Двапати Копа Италија и еден триумф во Суперкупот се премалку за амбициозниот состав на Наполи кој и сезонава се бори за Скудетото, што е последна шанса за Инсиње да дојде до овој драгоцен пехар.
Торонто се обудува да се врати на врвот во МЛС каде сезонава заврши на разочарувачкото 13-то место во Источната конференција, или претпоследно 26-то место во генералниот пласман. Во 2017 ја освои МЛС, а тогаш тимот беше предводен од друг Италијаец, Себастијан Џовинко.